Türkiyə Superliqasının "Göztepe" klubu "Qarabağ"ın sol cinah müdafiəçisi Elvin Cəfərquliyevə maraq göstərir.
Oxu.Az İHA agentliyinə istinadən yazır ki, İzmir təmsilçisi yaxın vaxtlarda rəsmi təklif göndərəcək.
25 yaşlı futbolçu "Qarabağ"la 2027-ci ilə kimi müqaviləyə malikdir və ayrılmağa müsbət yanaşır.
Danışıqların yaxın günlərdə başlaması və müsbət nəticələnəcəyi təqdirdə transferin rəsmiləşəcəyi gözlənilir.
Ötən mövsüm "Qarabağ"la 42 matça çıxan Cəfərquliyev 2 qol və 1 assistlə yadda qalıb.
