İngiltərə millisinin hücumçusu Harri Keyn dünya çempionatları tarixinin ən yaxşı bombardirləri siyahısında Peleni keçib.
Oxu.Az xəbər verir ki, Keyn 2026-cı il dünya çempionatının 1/16 final mərhələsində Konqo Demokratik Respublikasına qarşı duble edərək mundiallarda 13-cü qolunu vurub.
Bununla o, Braziliya əfsanəsi Pelenin 12 qolunu geridə qoyub və fransalı Jüst Fontenlə bərabərləşib.
Dünya çempionatları tarixinin ən yaxşı bombardiri Lionel Messidir (19 qol). Keyndən daha çox qol vuran futbolçular: Kilian Mbappe (18), Miroslav Kloze (16), Ronaldo (15), Gerd Müller (14) və Jüst Fonten (13).
32 yaşlı Keyn 2023-cü ildən “Bavariya”da oynayır. O, 83 qolla İngiltərə millisinin tarixində ən məhsuldar futbolçudur. Rusiyada keçirilən mundialda isə 6 qolla bombardir olub.
Qeyd edək ki, 2026-cı il dünya çempionatı ABŞ, Kanada və Meksikada keçirilir və iyulun 19-da başa çatacaq.
