"İmişli" futbol klubunda baş məşqçi axtarışı davam edir. Komanda yeni mövsüm üçün əcnəbi mütəxəssis cəlb etməyə çalışır.
Klub ispaniyalı Pol Planas və ukraynalı Yuri Kalitvintsevə rəsmi təklif göndərib. Lakin hər iki mütəxəssis bu təklifi rədd edib.
"Barselona"nın U-19 komandasını İspaniya çempionu edən 34 yaşlı Planas, atasının səhhətinə görə ölkəni tərk etmək istəmədiyini bildirib. 58 yaşlı Kalitvintsevin niyə təklifi qəbul etmədiyi bilinmir.
"İmişli"nin gündəmində daha bir ispaniyalı və xorvat məşqçi var. Baş məşqçi postu üçün ispaniyalı namizədin gəlişi daha real görünür.
