Premyer Liqa təmsilçisi "İmişli" braziliyalı müdafiəçi Rafael Vieqaşla müqaviləni yeniləyə bilməyib.
Klub rəhbərliyi 32 yaşlı oyunçuya əvvəlki şərtlərlə yeni müqavilə təklif etsə də, futbolçu maaşının artırılmasını tələb edib.
Rəhbərlik bu tələbi rədd edib və tərəflər razılığa gələ bilməyib.
Braziliyalı müdafiəçi komandadan ayrılaraq ölkəni tərk edib.
Qeyd edək ki, Vieqaş bu mövsüm "İmişli" forması ilə 29 matçda meydana çıxıb və 1 qol vurub.
