Dünya çempionatının 1/8 finalında Meksika və İngiltərə arasında keçiriləcək oyun tarixi təhlükəsizlik əməliyyatı ilə yadda qalacaq.
"The Daily Telegraph"-ın məlumatına görə, bu, İngiltərə millisinin tarixində ən böyük polis əməliyyatı olacaq.
"Asteka" stadionu ətrafında 7.5 min polis növbətçilik edəcək. Müqayisə üçün, Avro-2020 finalında bu rəqəm dörd dəfə az idi.
Meksika paytaxtında 8 minə yaxın ingiltərəli azarkeş var. Bir çox ingilis üzərində "üç şir" emblemi olan formalarla gəzməkdən çəkinir. Şəhərdə ümumilikdə 40 min təhlükəsizlik əməkdaşı cəlb olunacaq.
