FIFA, İran millisinin dünya çempionatında bazasının ABŞ-dən Meksikaya köçürülməsi xahişini təsdiqləyib. Bu barədə İran Futbol Federasiyasının prezidenti Mehdi Tac məlumat verib.
Tac bildirib ki, komanda Meksika ilə ABŞ sərhədində yerləşən Tixuanada düşərgə salacaq. "Biz Sakit okeanın yaxınlığında, Meksika ilə ABŞ sərhədində yerləşən Tixuanadakı düşərgədə məskunlaşacağıq", - deyə o qeyd edib.
İran millisi qrup mərhələsindəki hər üç oyununu ABŞ-də keçirəcək. Komanda Belçika, Misir və Yeni Zelandiya ilə eyni qrupda yer alıb.
Turnir iyunun 11-dən iyulun 19-dək ABŞ, Meksika və Kanadada keçiriləcək. İlk dəfə 48 komanda iştirak edəcək.
