İran milli futbol yığması 2026-cı il dünya çempionatının qrup mərhələsində Misirlə oyun zamanı LGBT atributlarından istifadə edilməməsi üçün FIFA-ya rəsmi müraciət edib.
Oxu.Az xəbər verir ki, bu barədə 'RMC Sport' məlumat yayıb.
İran Futbol Federasiyası məsələyə ciddi yanaşdığını və qəti mövqeyini FIFA rəhbərliyinə çatdırdığını bildirib. Federasiya nümayəndəsi deyib: 'İran və Misir dərin mədəni və dini bağları olan iki müsəlman dövlətidir. Hər iki federasiyanın baxışları bu ölkələrin ortaq dəyərlərini əks etdirir. Prinsipial mövqeyimiz odur ki, stadionda bu hərəkatla bağlı heç bir mərasim və ya reklam tədbiri keçirilməməlidir.'
Qarşılaşma gələn şənbə günü Sietldəki 'Lümen Fild' stadionunda baş tutacaq. Matç Bakı vaxtı ilə saat 07:00-da başlayacaq.
