İspaniya millisinin baş məşqçisi Luis de la Fuente, 2026-cı il dünya çempionatı üçün heyəti açıqlayıb. "Qırmızı Furiya"nın 26 nəfərlik siyahısında "Real Madrid"dən heç bir futbolçu yoxdur.
Qapıçılar: Unay Simon, David Raya, Joan Qarsiya. Müdafiəçilər: Pedro Porro, Marcos Llorente, Aymerik Lyaport, Pau Kubarsi, Mark Pubil, Erik Qarsiya, Mark Kukurelya, Alexandro Qrimaldo.
Yarımmüdafiəçilər: Rodri, Martin Subimendi, Pedri, Mikel Merino, Fabian Ruiz, Dani Olmo, Gavi. Hücumçular: Niko Uilyams, Aleks Baena, Mikel Oyarsabal, Ferran Torres, Borja İqlesias, Yeremi Pino, Lamin Yamal, Viktor Munos.
İspaniya qrup mərhələsində Kabo-Verde, Səudiyyə Ərəbistanı və Uruqvay ilə qarşılaşacaq. Turnir 11 iyun - 19 iyul tarixlərində ABŞ, Kanada və Meksikada keçiriləcək. 48 komanda mübarizə aparacaq.
