21 yaşadək futbolçulardan ibarət Azərbaycan milli komandasının heyəti açıqlanıb.
AFFA-nın rəsmi saytına istinadən xəbər verilir ki, siyahıda "Neftçi"nin yetirməsi, İtaliyanın "Sampdoriya" klubunun aşağı yaş qrupları üzrə komandasında çıxış edən Lorenzo Mezzotero da var.
19 yaşlı italiyalı hücumçu Azərbaycan yığmasına cəlb olunub.
U-21 mayın 28-dən 30-dək Bakıda, mayın 31-dən iyunun 10-dək isə Türkiyənin İsparta şəhərində təlim-məşq toplanışında olacaq. Komanda Türkiyədə iyunun 6-da Bəhreyn, 9-da isə Qırğızıstanın müvafiq yaş qrupuna qarşı 2 yoldaşlıq oyunu keçirəcək.
