Tanınmış alman mütəxəssis Yurgen Klopp, 2026-cı il dünya çempionatı üçün yığmanın heyəti ilə bağlı səsləndirdiyi fikirlərə görə Almaniya millisinin baş məşqçisi Yulian Naqelsmandan ictimai şəkildə üzr istəyib.
Bu barədə Oxu.Az "Daily Mail" nəşrinə istinadən xəbər verir.
"Deməli olduğum bir məsələ var və bunun üçün vaxt tapmalıyıq. Biz də qeyri-rəsmi olaraq bu komandanın bir hissəsiyik, tamamilə sizin tərəfinizdəyik. İlin ən iyrənc ifadəsini tapmışam: "Hələ də". Buna görə özümü vura bilərdim, lakin artıq çox gec idi və mən televiziyada çıxış edirdim. Bu, sadəcə olaraq, ehtiyatsızlıqdan ağzımdan çıxdı və məsələyə qətiyyən aidiyyəti yoxdur.
Mən anladım ki, növbəti gün 59 yaşım tamam olacaq, amma mən hələ də axmağam. Nə etməyinizdən asılı olmayaraq, biz tam şəkildə sizin yanınızdayıq", - deyə nəşr Kloppun canlı yayım vasitəsilə Naqelsmana müraciət etdiyini vurğulayıb.
Qeyd edək ki, DÇ-2026-nın ilk turunun qarşılaşmasında Almaniya seçməsi Kürasao komandasını 7:1 hesabı ilə darmadağın edib.
