Mütləq Döyüş Çempionatının (UFC) sabiq çempionu Konor Makqreqor gözlənilməz qərar verib. O, oktaqona qayıdış ərəfəsində müqaviləsini yeniləməkdən imtina edib.
Oxu.Az xəbər verir ki, bu barədə insayder Ariel Xelvani məlumat yayıb. Xelvani"Schein Time" podkastında deyib: "Konor qayıdır, lakin müqavilə uzadılmayıb. Onun cəmi iki döyüşü qalıb. Biri iyulun 11-də, digəri isə 2027-ci ildə."
37 yaşlı irlandiyalı döyüşçünün son qarşılaşması UFC 264-də Dastin Poryeyə qarşı olub. Həmin döyüşdə Makqreqor ayağını sındırıb.
Bundan əvvəl onun Rusiyada döyüşə biləcəyi barədə xəbərlər yayılmışdı.
