İspaniya La Liqasının 36-cı turunda böyük sürpriz yaşandı. Çempion "Barselona" səfərdə "Alaves"ə 1:0 uduzdu.
Vitoriyadakı "Mendisorrosa" stadionunda baş tutan oyunda yeganə qolu 45+1-ci dəqiqədə İbrahima Dyabate vurdu.
Xatırladaq ki, "Barselona" ötən tur vaxtından əvvəl çempionluğu təmin etmişdi. Komanda 91 xalla liderdir. "Alaves" isə 40 xalla 15-ci sıradadır.
Növbəti turda "Barselona" evdə "Real Betis"lə, "Alaves" isə səfərdə "Real Oviedo" ilə qarşılaşacaq.
