Azərbaycan Premyer Liqasının 2025/26 mövsümü 330 futbolçunun iştirakı ilə yadda qalıb.
PFL-in hesabatına görə, ən çox oyunçuya şans verən komanda 35 ilə "Kəpəz", ən az isə 23 ilə "Araz-Naxçıvan" olub.
"Kəpəz" 22 yerli futbolçu ilə lider, "Neftçi" isə cəmi 8 yerli ilə sonuncudur.
Ən çox legioner oynadan komandalar: "Sabah", "Qarabağ" və "Neftçi" (hərəyə 17). Ən az legioner isə "İmişli"də (11).
Ümumilikdə 163 yerli, 167 legioner meydana çıxıb. Orta yaş 26.8, yerlilərdə 24.8, əcnəbilərdə 28.4.
Ən gənc futbolçu: Raul İsaqov (16 yaş 162 gün, "Kəpəz"). Ən yaşlı: Stefan Aka (35 yaş 219 gün, "Zirə").
Beş futbolçu mövsümdə iki fərqli klubda oynayıb: Abdulla Rzayev, Anatoli Nuriyev, Rauf Rüstəmli, Sənan Muradlı, Veysəl Rzayev.
