"Lion" klubunun və Fransa gənclər yığmasının keçmiş futbolçusu Brian Berqunyu 43 yaşında dünyasını dəyişib.
Fransa təmsilçisi sosial şəbəkələrdə yaydığı açıqlamada: "Olimpik Lion"un əfsanəsi Brian Berqunyunun vəfatını dərin kədərlə bəyan edirik. Klub bu dəhşətli xəbərdən sarsılıb və onun ailəsinə, yaxınlarına, həmçinin onu tanıyan və sevən hər kəsə səmimi başsağlığı veririk" deyə bildirib.
Berqunyu "Lion"la üç dəfə Fransa çempionu, iki dəfə ölkə Superkubokunun qalibi olub. Yarımmüdafiəçi "Tuluza", "Leççe" və digər komandalarda da forma geyinib.
2023-cü ilin dekabrında Berqunyuya qulaqaltı vəzi xərçəngi diaqnozu qoyulmuşdu.
