İki çəki kateqoriyasında keçmiş UFC çempionu Konor Makqreqor son beş ayda 12 dəfə dopinq testindən keçib.
Oxu.Az-ın xəbərinə görə, bu barədə "Championship Rounds" "X" hesabında məlumat verib.
İrlandiyalının növbəti döyüşü 12 iyula planlaşdırılıb. Makqreqor Las-Veqasda keçiriləcək "UFC 329" turnirində Maks Hollouey ilə qarşılaşacaq.
Keçən il ən çox test verən döyüşçü 35 yaşlı Merab Dvalişvili olub. Gürcüstanlı UFC döyüşçüsü il ərzində 14 dəfə testdən keçib.
Makqreqor 2021-ci ilin iyulundan bəri qarışıq döyüş sənətlərində döyüşməyib. Son görüşündə UFC 264-də Dastin Poryeyə texniki nokautla məğlub olmuşdu.
Onun peşəkar rekordu 22 qələbə və 6 məğlubiyyətdən ibarətdir.
