"Qarabağ"ın ulduz futbolçusu Marko Yankoviç Ağdam klubundakı gələcəyi ilə bağlı şaiələrə son qoydu.
Monteneqrolu yarımmüdafiəçi vətəninin mətbuatına açıqlamasında "Qarabağ"la daha bir illik müqaviləsinin olduğunu bildirib.
O, hazırkı statusunda dəyişiklik olmadığını vurğulayıb: "Klubdakı gələcəyimlə bağlı hələlik heç bir yenilik yoxdur. Müqaviləm var və komandanın oyunçusuyam. Transfer həmişə mümkündür, amma indi bunu fikirləşmirəm".
30 yaşlı futbolçu 2022-ci ildən "Qarabağ"da çıxış edir və müqaviləsi 2025-ci ilin iyun ayına qədər qüvvədədir.
