Beş çəki dərəcəsində sabiq dünya çempionu, əfsanəvi boksçu Floyd Meyvezer ağır ittihamlarla üz-üzədir. O, külli miqdarda oğurluq və saxta çek yazaraq fırıldaqçılıq etməkdə günahlandırılır.
Oxu.Az ESPN-ə istinadən xəbər verir ki, Nevada ştatının məhkəmə sənədlərinə əsasən, boksçuya qarşı iki ağır cinayət işi açılıb. Meyvezer Las-Veqasda 200 min dollar dəyərində saat almaq üçün etibarsız çekdən istifadə edib.
İddiaya görə, o, "aldatmaq niyyəti" ilə hərəkət edib. Məşhur idmançını 20 ilə qədər həbs cəzası gözləyə bilər. Zərərçəkmiş tərəfin vəkilləri sülh yolu ilə həllə çalışsa da, boksçu əlaqəni kəsib.
Meyvezer məhkəmə iclasına qatılmayıb, onu vəkili təmsil edib.
