"Formula-1" üzrə 2026-cı il mövsümünün 6-cı mərhələsi - Monako Qran-prisi başa çatıb.
Yarışda qələbəni "Mercedes" pilotu Kimi Antonelli qazanıb. O, liderliyini qoruyaraq finişə birinci çatıb və ardıcıl 5-ci qələbəsini əldə edib.
İkinci yeri "Ferrari"dən Lyuis Hemilton tutub. O, qalibdən 6.271 saniyə geri qalıb.
Üçüncü yerə "Red Bull" pilotu İsak Hadjar sahib çıxıb.
Yarışın sonunda nəticələrdə dəyişikliklər olub: Pyer Qasli əvvəlcə üçüncü olsa da, 5 saniyəlik cəza səbəbi ilə 7-ci yerə düşüb. Niko Hülkenberq isə Karlos Saynsla insidentə görə 10 saniyəlik cəza alıb. Serxio Peres xal zonasına düşsə də, yarışdan sonra stüardlara çağırılıb.
Ümumilikdə 7 pilot finiş xəttini görə bilməyib.
