"Real Madrid"ə baş məşqçi təyin olunmağa yaxın olan Joze Mourinyo, klubun tarixindəki ən genişmiqyaslı heyət islahatını hazırlayır.
"Marca" nəşrinə görə, rəhbərlik portuqaliyalı mütəxəssisin taktiki konsepsiyasına uyğun yenidənqurma üçün 10-a yaxın futbolçunu sata bilər.
Əsas diqqət nüfuz və keçmiş nailiyyətlərə deyil, nizam-intizam və psixoloji dözümlülüyə veriləcək. Vinisius Junior da satış siyahısında olan tanınmış oyunçulardandır.
Vinisiusla yanaşı, Eduardu Kamavinqa, Daniel Sebalyos, Ferlan Mendi, Andrey Lunin və Qonsalo Qarsiyanın gələcəyi sual altındadır. Həmçinin, Federiko Valverde və Orelyen Tçuameni ilə bağlı qərar veriləcək.
Bu dəyişikliklər Mourinyonun güclü müdafiə intizamı və taktiki etibarlılığa üstünlük verdiyini göstərir.
