Joze Mourinyonun 'Real Madrid'ə qayıtmağa yaxın olduğu iddia edilir. İspan mətbuatı yazır ki, o, komandada köklü dəyişikliklər etmək niyyətindədir.
Portuqaliyalı mütəxəssisin ilk olaraq Eduardu Kamavinqa ilə yolları ayırmaq istədiyi deyilir. Bununla yanaşı, o, 'Mançester Siti'li Rodrini Madridə gətirməyi planlaşdırır.
Mourinyo 'Qızıl top' sahibi Rodrini əsas hədəflərindən biri hesab edir. Həmçinin, Markus Reşfordun transferi də gündəmdədir. Reşford hazırda 'Barselona'da icarədədir.
Əgər transfer baş tutarsa, Reşford həm 'Real Madrid', həm də 'Barselona'da oynayan nadir futbolçulardan olacaq. Mourinyo daha əvvəl 2010-2013-cü illərdə 'Real Madrid'i çalışdırıb.
