İtaliya futbolunun canlı əfsanəsi Alessandro Nesta karyerasında yeni səhifə açır. Dünya çempionu və Çempionlar Liqasının ikiqat qalibi olan məşhur müdafiəçi "Avellino" klubuna baş məşqçi təyin edilib.
Klubun rəsmi açıqlamasına görə, Nesta ilə 30 iyun 2028-ci ilədək müqavilə imzalanıb. Bu, onun məşqçilik karyerasında növbəti addımdır.
Ötən mövsüm "Avellino" İtaliya B Seriyasında 8-ci yerdə qərarlaşıb. Nesta komandanı yeni zirvələrə qaldırmaq üçün çalışacaq.
48 yaşlı mütəxəssis daha əvvəl "Mayami", "Peruça", "Frozinone" və "Montsa" kimi klubları çalışdırıb.
