Braziliya millisinin hücumçusu Neymarın zədədən sonra bərpa prosesində müsbət irəliləyiş qeydə alınıb.
Braziliya Futbol Konfederasiyası (CBF) "X" sosial şəbəkəsində bildirib ki, Neymar MRT müayinəsindən keçib və nəticələr onun bərpa prosesinin gözlənilən qrafik üzrə davam etdiyini göstərib.
Futbolçu zədəni "Santos"un "Kuritiba"ya 0:3 hesabı ilə məğlub olduğu görüşdə alıb. Müayinələr zamanı Neymarın sağ baldır əzələsində zədə aşkarlanıb.
34 yaşlı hücumçu Braziliya millisinin tarixində ən məhsuldar futbolçudur. O, milli komandada 128 oyunda 79 qol vurub.
Braziliya yığması dünya çempionatında Mərakeş, Haiti və Şotlandiya ilə eyni qrupda mübarizə aparacaq.
