İngiltərə Premyer Liqasının 37-ci turunda "Bornmut" evdə "Mançester Siti"ni qəbul edib.
"Vitaliti" stadionunda keçirilən görüş qollu heç-heçə ilə yekunlaşıb - 1:1.
Matçın 39-cu dəqiqəsində Eli Krupi meydan sahiblərini önə çıxarıb. 90+5-ci dəqiqədə isə Erlinq Holand hesaba tarazlıq gətirib.
Bu nəticə sayəsində "Arsenal" çempionatın başa çatmasına bir tur qalmış ölkə çempionu titulunu qazanıb. 37 oyundan sonra zirvədə qərarlaşan London təmsilçisinin 82 xalı var.
İkinci pillədəki "Mançester Siti" isə 78 xala malikdir. Son tur öncəsi "topçular" "şəhərlilər"i dörd xal qabaqlayıb, buna görə də "Mançester Siti"nin çempionluq şansları qalmayıb.
