Fransanın PSJ klubu UEFA Çempionlar Liqasını iki mövsüm ardıcıl qazanan ikinci komanda olub.
Oxu.Az xəbər verir ki, bu barədə "Çempionat" nəşri məlumat yayıb.
Paris təmsilçisi 2025/2026 mövsümünün finalında Londonun "Arsenal" klubunu məğlub edib. Budapeştdəki "Puşkaş Arena" stadionunda keçirilən görüşün əsas və əlavə vaxtı 1:1 hesabı ilə başa çatıb. Penaltilər seriyasında isə PSJ 4:3 hesabı ilə qalib gəlib.
Ötən mövsümün finalında Paris klubu İtaliyanın "İnter" komandasını 5:0 hesabı ilə darmadağın etmişdi.
Bundan əvvəl yalnız Madridin "Real" klubu Çempionlar Liqasında titulunu növbəti mövsümdə qorumağa nail olub.
Qeyd edək ki, "Real Madrid" 2015/16, 2016/17 və 2017/18-ci illərdə ardıcıl üç dəfə Çempionlar Liqasının kubokunu başı üzərinə qaldırıb.
Məlumat üçün qeyd edək ki, bu turnir 1992-ci ildən etibarən Çempionlar Liqası adlanır. Buna qədər o, Çempionlar Kuboku adını daşıyırdı.
