UEFA, "Slovatsko" qadın futbol komandasının keçmiş məşqçisi Petr Vlaxovskini ömürlük futboldan uzaqlaşdırıb. O, duş kabinasında futbolçuları gizli videoya çəkdiyinə görə cəzalandırılıb.
Oxu.Az xəbər verir ki, bu barədə "The Athletic" portalı məlumat yayıb.
UEFA həmçinin FIFA-nı da analoji sanksiyalar tətbiq etməyə və Vlaxovskinin məşqçilik lisenziyasını ləğv etməyə çağırıb.
Aprel ayında "The Athletic" nəşri məşqçinin məşqlərdən və oyunlardan əvvəl, eləcə də sonra paltardəyişmə otaqlarında futbolçuların duş qəbul etməsini və geyinməsini gizli lentə aldığı barədə məlumat yaymışdı.
Bildirilib ki, Vlaxovski bunun üçün kürək çantasına yerləşdirilmiş miniatür kameradan istifadə edib.
