Ağdamın "Qarabağ" klubu heyətini gücləndirməyə davam edir.
Kipr mediasının məlumatına görə, 26 yaşlı qambiyalı forvard Zakaria Savo Bakıya yola düşüb.
O, transferini yekunlaşdırmaq və müqavilə imzalamaq üçün Azərbaycana gəlir.
Mərkəz hücumçusunun hüquqları İsveçin "Yurqorden" klubuna məxsusdur. Savo son olaraq Kiprin AEL (Limassol) komandasında icarə əsasında çıxış edib.
Karyerası ərzində İsveçin "BK Olimpik", "Oskarshamns" və Norveçin "Start" klublarında da oynayıb.
Qeyd edək ki, "Qarabağ" mayın 18-də fransalı vinger Jali Muaddibin transferini də rəsmən açıqlamışdı.
