"Qarabağ" heyətini yeni qapıçı ilə gücləndirir.
Ağdam təmsilçisi Xorvatiyanın "Riyeka" klubunun kapitanı Martin Zlomisliçin transferini demək olar ki, yekunlaşdırıb.
Bosniya və Herseqovina millisinin üzvü olan qapıçı üçün tərəflər razılığa gəlib. Transferin yaxın günlərdə rəsmən açıqlanacağı gözlənilir.
"Riyeka" bu keçiddən təxminən 500 min avro qazanacaq.
27 yaşlı qapıçı komandası ilə 53 oyunda 58 qol buraxıb, 19 matçda qapısını toxunulmaz saxlayıb.
