"Qarabağ" klubu üç futbolçusu ilə rəsmi olaraq yollarını ayırıb.
Oxu.Az xəbər verir ki, bu barədə klubun mətbuat xidməti məlumat yayıb.
Müqavilə müddəti başa çatan Emmanuel Addai və Ramil Şeydayevlə əməkdaşlığa yekun vurulub.
"Qarabağ"da icarə əsasında çıxış edən Sami Mmae isə məxsus olduğu kluba geri qayıdıb.
Yeni mövsümə hazırlıqlarını davam etdirən "Qarabağ" ilk transferini də edib. Ağdam təmsilçisi "Omonia"da çıxış edən 25 yaşlı fransalı futbolçu Jali Muaddib 2029-cu ilin yayına qədər müqavilə imzalayıb.
