Azərbaycanlı UFC döyüşçüsü Rafael Fiziyev etiraf edib ki, Azərbaycan dilində danışmaq onun üçün çətindir.
O, atasının azərbaycanlı, anasının isə rus olduğunu bildirib: "Böyüdüyüm yerdə Azərbaycan dilində danışmırlar. Amma zaman keçdikcə bu dili daha yaxından öyrənirəm. Ümid edirəm ki, tezliklə sərbəst danışacağam".
Fiziyev Konor Makqreqorun UFC-yə qayıtmasına da toxunub: "Onun qayıtması çox yaxşı xəbərdir. Lakin o, 5 ildir döyüşməyib. Rəqibi isə gənc və maraqlı döyüşçüdür. Bu səbəbdən onun üçün çətin olacaq".
Qeyd edək ki, "UFC Fight Night" iyunun 27-də Milli Gimnastika Arenasında keçiriləcək. Əsas döyüşdə Fiziyev yüngül çəkidə Manuel Torreslə qarşılaşacaq. Digər azərbaycanlı döyüşçülər - Tahir Abdullayev, Nazim Sadıxov, Fərman Həsənov da oktaqona çıxacaqlar.
