Azərbaycan millisinin hücumçusu Renat Dadaşov Polşanın "Motor Lublin" klubundan ayrılır.
Bu barədə Lublin təmsilçisinin rəsmi saytı məlumat yayıb.
Bildirilir ki, 27 yaşlı futbolçu ilə müqavilə iyunun 30-da başa çatacaq və uzadılmayacaq.
"Renat, "Motor Lublin"də oynadığın üçün təşəkkür edirik və gələcək karyeranda uğurlar arzulayırıq!" - deyə qeyd olunub.
Qeyd edək ki, Dadaşov 2025-ci ilin iyulunda klubuna qoşulub və 22 oyun keçirib.
