"Sabah" futbol klubunun UEFA Çempionlar Liqasının I təsnifat mərhələsindəki mümkün rəqibləri müəyyənləşib.
Klubun mətbuat xidmətinin məlumatına görə, potensial rəqiblər sırasında müxtəlif ölkələrin güclü komandaları var.
Bunlara İrlandiyanın "Şemrok Rovers", Uelsin TNS, İslandiyanın "Vikinqur", Şimali İrlandiyanın "Larne", Finlandiyanın "KuPS", Qazaxıstanın "Kayrat", Moldovanın "Petrokub", Estoniyanın "Flora", Cəbəllüttariqin "Linkoln", Rumıniyanın "Universitatya", Farer adalarının "Klaksvik", Kosovonun "Drita", Bosniya və Herseqovinanın "Borats" və Latviyanın "Riqa" daxildir.
Çempionlar Liqasının I təsnifat mərhələsinin püşkatma mərasimi iyunun 16-da, oyunlar isə iyulun 7-8 və 14-15-də keçiriləcək.
