Yeni mövsümə hazırlaşan "Şəfa" futbol klubu ilk legioner transferini rəsmiləşdirib.
Klubun mətbuat xidmətindən verilən məlumata görə, yarımmüdafiəçi Vlad Marian Pop komandaya cəlb olunub. Rumıniyalı futbolçu ilə 1+1 illik müqavilə imzalanıb.
25 yaşlı Vlad Marian Pop Rumıniyanın U-21 millisinin sabiq üzvüdür. O, son olaraq "Unirya" (Sloboziya) klubunda çıxış edib. Karyerası ərzində "Universitatya" (Krayova) və "Mioveni" klublarında da oynayıb.
