"Real Madrid"in və İspaniya millisinin sabiq müdafiəçisi Serxio Ramos "Sevilya" klubunun satın alınmasını rəsmən başa çatdıraraq komandanın yeni sahibi oldu.
Oxu.Az xəbər verir ki, bu barədə məşhur insayder Fabritsio Romano "X" sosial şəbəkəsində məlumat paylaşıb. Mənbəyə görə, tarixi alqı-satqı prosesi tamamlanıb.
Klubun alınmasında Ramosun böyük qardaşı və agenti Rene Ramos da iştirak edir. Rəsmi bəyanatdan öncə hüquqşünaslar lazımi addımları atacaq.
Sevilyanın yetirməsi olan Ramos 2005-ci ildə "Real"a transfer olunmuş, 2023-cü ilin sentyabrında doğma klubuna qayıdaraq 2023/2024 mövsümünü keçirmişdi. 2026-cı ilin əvvəlindən 40 yaşlı futbolçu azad agentdir.
