Moskvanın "Spartak" klubunun argentinalı yarımmüdafiəçisi Pablo Solari "Krasnodar" üzərində qələbəni qeyd edərkən Rusiya kubokunu sındırıb.
Oxu.Az xəbər verir ki, bu barədə News.ru məlumat yayıb.
Kadrlarda futbolçunun azarkeş tribunası qarşısında kuboku başı üzərinə qaldırdığı anda trofeyin əlindən düşərək hissələrə ayrıldığı görünür.
Oyunun əsas vaxtı 1:1 hesabı ilə başa çatıb. "Spartak"ın yeganə qolunu məhz Solari vurub. Penaltilər seriyasında isə "qırmızı-ağlar" "Krasnodar"ı məğlub edərək kubokun sahibi olublar.
Final qarşılaşmasını 72 978 tamaşaçı izləyib ki, bu da Rusiyada turnirlərin həlledici oyunları üçün rekord göstərici hesab olunur.
