Azərbaycan taekvandoçuları Qazaxıstanın Astana şəhərində keçirilən "Altay" çempionatında uğurla çıxış ediblər.
Komandamız ümumilikdə 3 medal qazanıb: Cavad Ağayev (80 kq) gümüş, Elcan Əliyev (80 kq) və Minayə Əkbərova (46 kq) isə bürünc medala layiq görülüblər.
Yarışlar iyunun 22-23-də baş tutub. Komandalar həmçinin "Kazakhstan Open" beynəlxalq turnirinə də qatılacaqlar (25-27 iyun).
Millimizə vitse-prezident Niyaməddin Paşayev, baş məşqçi Məmməd Abdullayev, məşqçilər Elnur Amanov və Ayxan Tağızadə rəhbərlik edir.
