"Mənim üçün heç bir rəqibin fərqi yoxdur. Çox sevincliyəm". Bu sözləri UFC Bakı turnirində braziliyalı Cefferson Nasimentonu məğlub edən Tahir Abdullayev deyib.
"Üç həftə əvvəl bilirdim ki, UFC-də döyüşəcəyəm. Bütün Azərbaycan xalqına təşəkkür edirəm. Rəqibə ikinci və üçüncü raundda deyirdim: 'Qız kimi qaçma, gəl savaşaq'", - o qeyd edib.
Döyüşə mehtər marşı ilə çıxdığını deyən idmançı: "Bakıda döyüşmək mənə əlavə enerji verdi", - vurğulayıb.
Qeyd edək ki, gecənin əsas döyüşündə Rafael Fiziyev mexikalı Manuel Torreslə qarşılaşacaq. Həmçinin Nazim Sadıxov braziliyalı Mateus Kamilo, Fərman Həsənov isə ABŞ təmsilçisi Erik Nolanla döyüşəcək.
