Toni Kroos, "Real Madrid"in sabiq ulduzu və Almaniya millisinin dünya çempionu, "Bundestim"in DÇ-2026-dan erkən çıxmasından sonra yığmanı sərt tənqid edib.
"Sport1"-ə istinadən verilən məlumata görə, Kroos deyib: "Hazırda heyətdə dünyasəviyyəli oyunçu yoxdur. Potensial var, amma bu, onların o səviyyədə olması demək deyil".
"Dünyasəviyyəli oyunçular dünya çempionatında matçların taleyini həll edir. Bombardirlər siyahısında da onlar var. Bizdən isə heç kim yoxdur. Dürüst olmaq lazımdır" - deyə vurğulayıb.
Qeyd edək ki, iyunun 30-da Almaniya millisi Paraqvaya penaltilərlə məğlub olaraq DÇ-2026-nı tərk edib.
