Azərbaycan millisinin müdafiəçisi Toral Bayramov karyerasını Türkiyədə davam etdirəcək.
“Qarabağ” klubu futbolçunun transferi ilə bağlı “Bursaspor”un təklifini qəbul edib. Tərəflər arasında danışıqlar uğurla başa çatıb.
Toral Bayramov 2020-ci ildən “Qarabağ”ın əsas komandasında çıxış edirdi. O, 254 oyunda 37 qol vurub, 5 dəfə Azərbaycan çempionu, 2 dəfə ölkə kuboku qazanıb. Millidə isə 40 oyunda 5 qol müəllifi olub.
