Slovakiyada minifutbol üzrə Avropa çempionatının finalı öncəsi İtaliya ulduzu Françesko Tottinin iştirakı ilə yoldaşlıq matçı təşkil edilib.
Oxu.Az "Report"a istinadən xəbər verir ki, Tottinin komandası Adam Berqin kollektivi ilə qarşılaşıb.
"Tipos Arena"da keçirilən görüş Tottinin komandasının 8-7 hesablı qələbəsi ilə yekunlaşıb.
Qeyd edək ki, daha əvvəl Azərbaycanda legioner həyatı yaşamış Nuqzar Kvirtiya və "Fənərbağça"nın keçmiş ulduzu Miroslav Stox da matçda iştirak edib.
Xatırladaq ki, finalda Azərbaycan və Ukrayna milliləri üz-üzə gələcək. Oyun Bakı vaxtı ilə saat 22:30-da başlayacaq.
