Ciro d'İtaliya veloturunun ikinci mərhələsində finişə 20 km qalmış zəncirvari qəza olub.
TASS agentliyinin məlumatına görə, qəza Bolqarıstanın Burqas şəhərindən Veliko-Tırnovoya gedən 221 km-lik marşrutda baş verib.
Pelotonun ön hissəsində, döngələrdən birində ilk yıxılanlar UAE Emirates komandasının üzvləri olub. Mundo Deportivo nəşri qeyd edir ki, təxminən 30 velosipedçi bir-birinə çırpılıb.
Qəzanın ağırlaşmasına yol kənarındakı iti kənarlı dəmir maneələr səbəb olub. Yarış müvəqqəti dayandırılıb.
Velosipedçi Cey Vayn finişə çata bilməyib, təcili yardımla xəstəxanaya aparılıb. Ciro d'İtaliya cari mövsümün ilk Grand Tour yarışıdır. Son qalib karyerasını bitirən britaniyalı Saymon Yeyts olub.
