ABŞ 2026-cı il dünya çempionatında iştirakı nəzərdə tutulan İraq milli komandasının beş futbolçusuna viza verməkdən imtina edib.
Bu barədə "Goal" portalı məlumat yayıb. İraq Futbol Federasiyasının rəsmisi Qaleb əz-Zameli viza ala bilməyən oyunçuların adlarını açıqlayıb: İbrahim Bayeş, Möhənəd Əli, Zeyd Təhsin, Heydər Əbdülkərim və Əli əl-Həmadi.
"Hazırkı anadək bu qərarın səbəbləri bizə məlum deyil", - deyə təşkilat nümayəndəsi bildirib.
Əz-Zameli qeyd edib ki, İraq Futbol Federasiyası problemin həlli üçün FIFA-ya müraciət edəcək, çünki bu futbolçular komandanın əsas fiqurlarıdır.
Qeyd edək ki, İraq yığması dünya çempionatında ikinci dəfə iştirak edəcək. Sonuncu dəfə 1986-cı ildə iştirak edən komanda qrup mərhələsini adlaya bilməyib.
Turnir 11 iyun - 19 iyul tarixlərində ABŞ, Kanada və Meksikada keçiriləcək. İlk dəfə 48 komanda mübarizə aparacaq. İraq İ qrupunda Fransa, Seneqal və Norveçlə qarşılaşacaq.
