YouTube axtarış sisteminə müdaxilə olmasaydı, inanılmaz bir məlumat arxivi olardı. Amma reallıqda axtarış sistemi istifadəçini məhdud bir hovuzda saxlayır.
Platformaya video yüklədiyiniz zaman ümumi axtarışda onların yalnız kiçik bir hissəsi göstərilir. Sistem sizin maraqlarınıza uyğun videoları seçir, ancaq bu seçim əsasən izləmə müddəti və keçmiş davranışlara söykənir.
Bu mexanizmin mərkəzində "engagement optimization" dayanır. Platformada nə qədər çox qalsanız, reklam gəliri o qədər artır. Yeni şeylər kəşf etmək ikinci plana atılır.
Azərbaycan dilində məzmunlar internetin çox kiçik hissəsini təşkil edir. Nəticədə qlobal platformada lokal filtrə məruz qalırıq. Hətta X platforması belə yeni məzmun kəşfində daha effektivdir.
YouTube-da tam fərdiləşmə mümkün deyil. Siz yalnız təqdim olunan variantlar içindən seçirsiniz, amma nəzarət platformanın əlindədir.
