Bu ilin yanvar-may aylarında 1 milyon 21 min nəfərə 937 milyon manat müavinət və Prezident təqaüdü ödənilib. Bu barədə Əmək və Əhalinin Sosial Müdafiəsi Nazirliyi (ƏƏSMN) məlumat yayıb.
Ödənişlərin 529 milyon manatı dövlət büdcəsindən müavinət, 339 milyon manatı Prezident təqaüdü, 69 milyon manatı isə sosial sığorta hesabına müavinətlərə ayrılıb.
Keçən ilin eyni dövrü ilə müqayisədə dövlət büdcəsi hesabına müavinətlər 15%, təqaüdlər isə 17% artıb.
Həmçinin, yanvar-may aylarında 64 min, 2019-cu ildən ümumilikdə 944 min müavinət və təqaüd təyinatı elektron sistem vasitəsilə proaktiv qaydada həyata keçirilib.
