Auditorlar Palatasında struktur dəyişikliyi aparılıb. Palatanın sədri Vahid Novruzov bununla bağlı əmr imzalayıb.
Yeni yaradılan "Xüsusi auditlər, cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə, daxili nəzarət və forenzik təhlillər İdarəsi" birbaşa sədrə tabe olacaq.
İdarə komplayns, hüquqi ekspertiza, xüsusi audit, forenzik təhlil, etik nəzarət, risk monitorinqi, peşə nəzarəti və daxili nəzarət funksiyalarını yerinə yetirəcək.
Yeni idarənin tərkibində dörd şöbə fəaliyyət göstərəcək. Eyni zamanda, əvvəlki idarə və bir neçə şöbə ləğv edilib, funksiyaları yeni idarəyə inteqrasiya olunub.
Dəyişikliklərin məqsədi audit sistemində şəffaflıq, peşə məsuliyyəti, etik davranış, komplayns mədəniyyəti və riskəsaslı nəzarəti gücləndirməkdir.
