Rusiyadan enerji asılılığının yaratdığı risklər fonunda Avropa üçün Azərbaycan mühüm rol oynayır.
Oxu.Az xəbər verir ki, bu fikirləri Avropa Komissiyasının enerji təhlükəsizliyi və beynəlxalq əlaqələr üzrə direktoru Kristina Lobillo Borrero 31-ci Bakı Enerji Forumu çərçivəsində keçirilən müzakirələrdə deyib.
O bildirib ki, Azərbaycan Avropanın enerji təhlükəsizliyində strateji önəm daşıyır: "Azərbaycan bizim strateji tərəfdaşımızdır. Biz həm də yaşıl enerji sahəsində əməkdaşlıq edirik. Bakının külək enerjisi ilə bağlı planlarından xəbərdarıq. Bu sahədə də Azərbaycanla əməkdaşlıqda maraqlıyıq".
