Yaxın Şərqdə gərginliyin artması və Hörmüz boğazının bloklanması fonunda Yaponiyanın ENEOS şirkəti Azərbaycandan 283 min barel neft alıb.
Oxu.Az xəbər verir ki, bu barədə Yaponiya İctimai Televiziyası məlumat yayıb.
Qeyd olunur ki, Azərbaycandan neft daşıyan tanker Yaponiyaya mayın 12-də çatıb.
Telekanalın məlumatına görə, tanker təxminən 45 min kilolitr neft gətirib ki, bu da Yaponiyanın gündəlik neft istehlakının 16%-nə bərabərdir.
Azərbaycandan neftin alınması Hörmüz boğazında gəmiçilik problemləri fonunda Yaponiyaya neft tədarükünün şaxələndirilməsi çərçivəsində həyata keçirilir.
