Bakıda keçirilən Ümumdünya Şəhərsalma Forumunun 13-cü sessiyasında Azərbaycan və Türkiyə arasında mühüm saziş imzalanıb. Energetika naziri Pərviz Şahbazov və Türkiyənin Ətraf Mühit naziri Murat Kurum binaların enerji səmərəliliyi üzrə Texniki Əməkdaşlıq Memorandumunu rəsmiləşdiriblər.
Görüşdə COP29-un prezidenti Muxtar Babayev də iştirak edib. Tərəflər enerji səmərəliliyi sahəsində əməkdaşlığın genişlənməsindən məmnunluqlarını ifadə ediblər.
Memorandum qanunvericilik, hesablama metodologiyaları, enerji sertifikatı, təlim proqramları və bərpa olunan enerji mənbələri kimi sahələri əhatə edir. Həmçinin birgə işçi qrupu yaradılacaq.
