Bu ilin yanvar-aprel aylarında pensiya ödənişlərinə ötən ilin eyni dövrü ilə müqayisədə 10 faiz (248 mln. manat) çox vəsait ayrılıb.
Oxu.Az xəbər verir ki, bu barədə Əmək və Əhalinin Sosial Müdafiəsi Nazirliyi (ƏƏSMN) məlumat yayıb.
Bildirilib ki, cari ilin əvvəlindən pensiyalar 9.3 faiz indeksləşdirilərək artırılıb və 1 may 2026-cı il tarixə orta aylıq pensiya məbləği ötən ilin eyni dövrünə nisbətən 10 faiz artaraq 594 manata, yaşa görə orta aylıq pensiya isə 632 manata çatıb.
Qeyd olunub ki, yanvar-aprel aylarında 15 min, elektron pensiya təyinatına başlandığı 2019-cu ildən isə ümumilikdə 193 min pensiya təyinatı proaktiv qaydada həyata keçirilib.
