2026-cı ilin ilk beş ayında Azərbaycanda pərakəndə ticarət dövriyyəsi 25,5 milyard manat təşkil edib. Bu məbləğin 55 faizi ərzaq, içki və tütün məhsullarının payına düşüb.
Dövlət Statistika Komitəsinin məlumatına görə, ərzaq məhsulları ümumi xərclərin 50,9 faizini, içki və tütün 4,6 faizini, toxuculuq, geyim və ayaqqabı isə 12,8 faizini təşkil edib.
Avtomobil yanacağına xərclər 6,4 faiz, elektrik malları və mebel 4,4 faiz, əczaçılıq məhsulları 2,9 faiz, kompüter və telekommunikasiya avadanlıqları isə 1,5 faiz olub.
Hesabat dövründə hər bir vətəndaş ayda orta hesabla 496,9 manat xərcləyib. Bunun 275,7 manatı ərzaq, içki və tütünə, 221,2 manatı isə qeyri-ərzaq mallarına sərf olunub.
