Albaniya maliyyə nazirinin müavini Endrit Yzeiraj Bakıda İslam İnkişaf Bankının illik toplantısında bildirib ki, Tirana ilə Bakı arasında birbaşa aviareys açılması prioritet hədəflərdən biridir.
Yzeiraj qeyd edib ki, Albaniya və Azərbaycan arasında turizm, enerji, nəqliyyat və mədəniyyət sahələrində geniş əməkdaşlıq potensialı mövcuddur. O, Trans-Adriatik Boru Kəməri (TAP) layihəsinin iki ölkə arasında strateji əhəmiyyət daşıdığını vurğulayıb.
Nazir müavini əlavə edib ki, Korça şəhərinin qazlaşdırılması layihəsi çərçivəsində Azərbaycandan təbii qaz tədarükü planlaşdırılır. O, iki ölkə arasında ortaq tarixi və mədəni irsin əməkdaşlığa töhfə verdiyini də qeyd edib.
